DERRADEIRA REUNIÓN

 Esta é a orde do día da derradeira reunión do Consello da Infancia deste curso.

No Consello da Infancia seguimos aprendendo, medrando e facendo do noso colexio un espazo máis xusto e participativo. De cara ao vindeiro curso, decidimos facer un cambio importante na linguaxe que usamos no Consello.

Acordamos cambiar os termos "persoa presidenta" e "persoa secretaria" por "persoas coordinadoras".

Este cambio non é só unha cuestión de palabras, senón unha maneira de construír un Consello máis igualitario, inclusivo e colaborativo.

Estas son as candidaturas a persoas coordinadoras. Noraboa a todas!! 

Despois dun reconto moi emocionante, xa temos as dúas persoas que exercerán como coordinadoras do Consello da Infancia no vindeiro curso.

NORABOA a Sergio e Pelayo!

Foron escollidos polas súas compañeiras e compañeiros, e estamos seguras e seguros de que farán un traballo estupendo, con responsabilidade, ilusión e moitas ganas de escoitar e propoñer.

O Consello da Infancia segue medrando con voces novas, ideas brillantes e moita participación!

Esta sesión remata valorando os logros acadados. Vémonos o curso que vén, con máis propostas, máis ilusión e moitas ganas de seguir mellorando o cole entre todas e todos.

QUE BONITO É SENTIRSE ESCOITADO!

CUARTA REUNIÓN.

 O 23 de abril tivemos a seguinte  xuntanza moi . Este día tivemos uns novos invitados, tres profes dun colexio de Asturias e tres dun colexio de Madrid, que veñen interesados en coñecer como funciona o noso Consello e as diferentes iniciativas para dinamizara aconvivencia e o benestar na anosa comunidade.

📋 Orde do día da reunión:

1. Lectura da acta anterior

2. Recollida de  palabras chave que definan a nosa cultura de centro. Cada clase aporta comao máximo seis.

3. Presentación do programa do V Congreso EDUCODS, no que participaremos proximamente

Estamos moi contentos de compartir as nosas ideas e experiencias con persoas doutros colexios, e tamén de aprender delas. 

Estas son asa palabras chave recollidas.Estas palabras colocaremolas nun lugar visible do noso colexio.

Amizade 

Axudar

Sol 

Corazón 

Xogar

Aprender

Cooperación 

Inclusión 

Creatividade

Diversidade

Equipo 

Comunidade

Colaboración 

Imaxinación

Equipo

Amigos/as

Ámbitos

Mates Divertidas

Deporte

Excursión

Xogar 

Amigos/as 

Ubuntu

Diversidade

Axuda

Diálogo

Amor

Diversidade de xénero

Traballo en equipo

Inclusión

Divertirse

TERCEIRA REUNIÓN.

  Despois da reunión, o Consello encargouse de organizar todas as propostas das clases e pensar quen podería axudar a facer realidade cada unha: o profesorado, o alumnado, o ANPA ou o Concello de Tui. A cada persoa ou entidade chegaron as ideas correspondentes.

Chamouse ao Concello para solicitar unha reunión co alcalde e coa concelleira, co obxectivo de explicarlles en persoa as necesidades do noso colexio.

---

🗓 12 de marzo: visita ao Concello

Ese día, os representantes do Consello da Infancia acudimos á cita e sentímonos moi escoitados. 

SEGUNDA REUNIÓN.

 O pasado 26 de novembro celebramos a segunda reunión do Consello da Infancia no noso colexio. Nesta ocasión invitamos a concelleira de Educación e varios representantes do ANPA, que foron invitados para escoitar de primeira man as propostas do alumnado para mellorar o cole.

Durante a sesión, cada clase compartiu as súas ideas, previamente traballadas nas aulas grazas á táboa repartida na primeira reunión. Foi unha mañá moi participativa e enriquecedora, na que se escoitaron propostas moi interesantes e realistas.

PRIMEIRA REUNIÓN.

Primeira reunión do Consello da Infancia

O pasado 11 de outubro, celebrouse a primeira reunión do Consello da Infancia deste curso 2024-2025. Foi un encontro moi especial, xa que serviu para dar a benvida aos novos membros e iniciar oficialmente o traballo deste novo curso.

📝 Orde do día:

1. Presentación dos novos membros: Cada representante tivo a oportunidade de presentarse e contar por que quixo formar parte do Consello.

2. Constitución oficial do Consello 2024-2025: A partir deste momento, o Consello queda formalmente constituído e preparado para comezar a traballar nas ideas e propostas que melloren a vida no colexio.

3. Rogos e preguntas: Os membros puideron expresar as súas primeiras impresións e tamén comentar algunhas ideas iniciais.O presidente e a secretaria repartiron a cada clase unha táboa para que durante os próximos días, cada clase encherá a súa táboa coas ideas que vaian xurdindo. Estas propostas serán presentadas na próxima reunión do Consello, onde se valorarán e se intentará poñer en marcha algunhas delas.

4. Comezamos con moita ilusión, con ganas de escoitar, propoñer e facer do noso cole un lugar mellor para todas e todos. A partir de agora, as voces do alumnado seguirán soando con forza no Consello da Infancia.

 

COMEZAMOS!!

Comezamos o curso... e tamén o Consello da Infancia!

Este mes comezamos o novo curso escolar 2024-2025 cunha proposta moi especial: a convocatoria para formar parte do Consello da Infancia.

Todos os nenos e nenas que queiran presentarse como representantes da súa clase teñen ata o luns 7 de outubro para entregar a súa candidatura. Para iso, deberán cubrir un pequeno papel explicando as súas cualidades e por que pensan que poden ser bos representantes da súa aula.

En cada clase, dende infantil ata primaria, escolleremos dous representantes por votación democrática. Máis adiante, os representantes escollidos participarán nunha primeira reunión na biblioteca do cole, onde se constituirá oficialmente o novo Consello da Infancia 2024-2025 e se dará a benvida aos novos membros.

💬 Animámosvos a participar! Esta é unha oportunidade para que a vosa voz se escoite, para facer propostas, mellorar a escola e representar aos vosos compañeiros e compañeiras.

 

Derradeira convocatoria Consello da Infancia 2023/2024

Nesta convocatoria votamos as novas candidaturas á presidencia e secretariado para o vindeiro curso 2024/2025. 

O alumnado de cuarto foi o protagonista desta reunión posto que elaboraron os videos para expoñer as súas razóns para formar parte do equipo directivo do Consello da Infancia do seguinte curso. 

A través destes videos as distintas aulas votaron un candidato ou candidata para a presidencia e para a secretaría. Estas votacións leváronse a esta reunión e así entre os representantes de cada aula puidemos escoller e saíron escollidos: 

Iria coma secretaria e Pedro coma presidente. E con isto finalizamos o Consello deste curso e quedamos moi agradecidas e agradecidos por  poder formar parte. 

deixamos un video resumo da reunión final: 

Esperamos que pasedes un bo verán!