Organismo creado para que o noso alumnado teña voz e voto nas propostas que se leven a cabo para mellorar a convivencia na vida diaria no centro. “Os obxectivos básicos da educación deben ser aprender a aprender, aprender a resolver e aprender a ser.” (UNESCO)
Coma é costume este curso volvimos ao Concello para poñer en claro as nosas peticións para mellorar o noso cole.
Este curso tivemos novas propostas de mellora e o alumnado explicou todo o que se falou nas distintas aulas. Deixamos un video resumo para poder visualizar o que fixemos:
Neste mes de decembro nos reunimos na biblioteca para que cada aula compartira as propostas de mellora para os diferentes espazos do cole, as cales foron votadas nas distintas aulas e teñen sentido porque todo o alumnado puido expresar as súas melloras.
O cole é de todas e todos as nenas e nenos, é por isto que precisamos que as cousas cambien ou se arranxes baixo a súa mirada.
Salma e Ángela, a nosa secretaria e presidenta do Consello de quinto curso de primaria, chamaron por teléfono á Sonsoles, Concelleira de educación no Concello de Tui e tamén a Patri, presidenta da ANPA, para convidalas a participar na nosa reunión e poder facer que as propostas de mellora se fagan realidade dentro do posible.
Agora é a quenda de Salma e Ángela, á volta das vacacións do Nadal terán que clasificar todas as propostas realizadas e prestar atención á súa viabilidade para buscar os organismos ou persoas que poidamos tratar de facer realidade o que se propouxo.
Grazas a todas por asistir!!!
Deixamos un mini video con algunhas imaxes da xornada.
Un ano máis chegou o gran día de visitar o Concello e de poder ter a oportunidade real de explicar que tipo de necesidades temos coma nenas e nenas co cole Nº1 de Tui en canto ao que se refire mellorar os nosos espazos de convivencia.
A verdade que nos recibiron cos brazos abertos e todo o mundo puido explicar as súas aportacións, incluso se fixemos as peticións que precisabamos para celebrar o noso III Congreso EDUCODS na Corredoira de TUI.
Estivemos charlando co alcalde e deixamos por escrito e de xeito oral todo o que necesitamos. O noso cole é pequeno pero precisa moitos cambios, coma por exemplo esa pista de herba artificial que tanto pedimos cada ano ou un parque en boas condicións para o seu uso.
Deixamos un pequeno video sobre o resumo da visita.
Ata pronto!
Pois si, definitivamente queremos e precisamos mellorar os espazos do noso cole. Por isto, coma cada ano as persoas representantes do Consello dos nenos deste curso preparamos a visita ao Concello e cada aula estivo encargada de explicar as nosas necesidades o situación. Deixamos unhas fotos nas que se observan como o Consello estamos preparando a visita e debatendo sobre como é mellor abordar cada temática.
Saúdos!!!!
.jpg)
Fai unhas semanas o alumnado de 5º de primaria e 6º tivo a sorte de participar nunha charla motivacional de cara a poder formar parte do I Grupo de Participación da infancia que se vai crear no Concello de Tui
A dinámica enmárcase no proxecto ParTUIcipando e a charla foi desenvolta pola experta Karina, persoa coa que terán que falar as familias do alumnado que queira participar nesta iniciativa. Aqui tedes a presentación na que se explica con detalle en qué consiste: GRUPO ParTUIcipando
Para participar podedes avisar na secretaría do cole ou ben falando coas titoras da aula para poñervos en contacto con Karina e así apuntar ás vosas fillas e aos vosos fillos.
Esta dinámica garda moita relación co noso Consello dxs nenxs do cole, xa que se trata de dar voz, voto e participación activa ao noso alumnado, pensando no seu futuro como cidadáns de Tui.
Entrada en Instagram con Karina
Podedes facer clic no enlace para maior información:
MOITOS NENOS E NENAS XA DIXERON QUE QUERÍAN PARTICIPAR! AVISADE CANTO ANTES. GRAZAS FAMILIAS E ALUMNADO.
Como cada curso algunhas persoas representates do Consello neste ano foron ao Concello de Tui a expoñer as propostas de mellora do noso cole, sobretodo as propostas nas que teñen cabida as intervencións de organismos públicos e nas que precisamos apoio económico.
Aquí deixamos un video resumo sobre a visita, o noso alumnado estivo xenial! Parabéns!
