Organismo creado para que o noso alumnado teña voz e voto nas propostas que se leven a cabo para mellorar a convivencia na vida diaria no centro.
“Os obxectivos básicos da educación deben ser aprender a aprender, aprender a resolver e aprender a ser.” (UNESCO)
Nesta convocatoria votamos as novas candidaturas á presidencia e secretariado para o vindeiro curso 2024/2025.
O alumnado de cuarto foi o protagonista desta reunión posto que elaboraron os videos para expoñer as súas razóns para formar parte do equipo directivo do Consello da Infancia do seguinte curso.
A través destes videos as distintas aulas votaron un candidato ou candidata para a presidencia e para a secretaría. Estas votacións leváronse a esta reunión e así entre os representantes de cada aula puidemos escoller e saíron escollidos:
Iria coma secretaria e Pedro coma presidente. E con isto finalizamos o Consello deste curso e quedamos moi agradecidas e agradecidos por poder formar parte.
Coma é costume este curso volvimos ao Concello para poñer en claro as nosas peticións para mellorar o noso cole.
Este curso tivemos novas propostas de mellora e o alumnado explicou todo o que se falou nas distintas aulas. Deixamos un video resumo para poder visualizar o que fixemos:
Nesta primeira sesión o alumnado participou compartindo e presentándose como novos candidatos deste Consello das nenas e dos nenos do CEIP Nº1.
A reunión tivo lugar na biblioteca e a nosa nova secretaria Salma tomou nota de todo na súa acta. Así mesmo, a presidenta, Ángela, tamén estivo levando a súa primeira sesión e dando voz a todos os representantes.
Un ano máis chegou o gran día de visitar o Concello e de poder ter a oportunidade real de explicar que tipo de necesidades temos coma nenas e nenas co cole Nº1 de Tui en canto ao que se refire mellorar os nosos espazos de convivencia.
A verdade que nos recibiron cos brazos abertos e todo o mundo puido explicar as súas aportacións, incluso se fixemos as peticións que precisabamos para celebrar o noso III Congreso EDUCODS na Corredoira de TUI.
Estivemos charlando co alcalde e deixamos por escrito e de xeito oral todo o que necesitamos. O noso cole é pequeno pero precisa moitos cambios, coma por exemplo esa pista de herba artificial que tanto pedimos cada ano ou un parque en boas condicións para o seu uso.
Deixamos un pequeno video sobre o resumo da visita.
Pois si, definitivamente queremos e precisamos mellorar os espazos do noso cole. Por isto, coma cada ano as persoas representantes do Consello dos nenos deste curso preparamos a visita ao Concello e cada aula estivo encargada de explicar as nosas necesidades o situación. Deixamos unhas fotos nas que se observan como o Consello estamos preparando a visita e debatendo sobre como é mellor abordar cada temática.
Nesta nova convocatoria o alumnado tiña unha misión. Debía de traer consigo as ideas que xurdiron na aula para a creación do Jingle da Radio no noso programa A voz de Athenea.
De novo, démoslle voz e voto ao noso alumnado facendo propostas sobre algo significativo para elas e eles. Todas as aulas levaron as súas ideas e o noso presidente puxo en común as aportacións.
Unha vez expostas, pasamos a realizar as votacións de novo e coa axuda do profe de música Roi pasamos a gravar o Jingle definitivo. "A voz de Athenea para ti e para calquera...". Aquí deixamos unha mostra do proceso.
Nesta primeira convocatoria fixemos a nosa primeira reunión na biblio, como era antes da pandemia!!! Que ben poder xuntarnos coma antes e falar no círculo respectando a palabra dos demais.
A convocatoria tiña uns puntos a seguir como é costume nas nosas reunións do Consello. Nesta ocasión tivemos que presentar aos novos membros e a directiva fíxoxe cargo: Sofía Crusat e David, da clase de 5º de primaria. Deron a benvida e entregaron a todos os membros o panel de propostas de mellora do cole no referido aos espazos comúns:
Para finalizar a sesión David e Sofía encargáronse de compartir co resto de representantes de cada aula os logros que se conseguiron dende o ano 2018 ata o momento grazas as propostas do noso alumnado e grazas ao funcionamento do noso Consello dxs nenxs. Se ben é certo que tamén se puxeron en común as cousas que todavían quedan pendentes e que non logramos acadar por diferentes motivos (falta de recursos económicos, falta de espazo...). Aínda así, seguiremos insistindo e traballando duro dende o Consello e contando coa axuda das nosas familias e o Cocello de Tui para poder dar cabida ao máximo de propostas e ideas do noso alumnado.
.jpg)
.png)
.png)
.png)
