CONVOCATORIA 26 DE OUTUBRO 2018

Nesta seguinte convocatoria seguiremos esta orde do día: 

O noso proxecto anual titulado "Na pel dos animais" vai collendo forma e por iso levamos a cabo a primeira posta en común sobre o que se leva traballado nas diferentes aulas. Creemos no noso proxecto e precisamos empaparnos das aprendizaxes dos demais nenos e nenas do cole... E deste xeito seguir unha continuidade e coherencia entre etapas e niveis educativos. 

Todo isto baixo a filosofía de...

COMPARTIR É VIVIR

Nesta nova convocatoria cada aula trouxo as súas propostas de mellora da convivencia no centro, as cales poñeremos en común de cara a seguinte convocatoria deste mes de novembro.

Todos e todas trasladamos as nosas ideas aos membros do Consello acerca do que se traballou nas distintas aulas sobre o que queremos saber sobre os animais e sobre o que xa sabemos. Aquí vos deixamos unha pequena mostra.

E aquí queda a acta da convocatoria:

CONVOCATORIA 28 DE SETEMBRO 2018

O noso Consello xa comezou! O pasado venres día 28 de setembro tivemos a nosa primeira convocatoria tal e como estaba programada. Comezamos por dar a benvid@ aos e ás nov@s membr@s que o compoñen para este curso e así constituimos o Consello en si mesmo. 

Despois o novo presidente pasou a ler a Orde do día cos puntos que se ían tratar e Nina xa trouxo a súa libreta para ir anotando todo e confeccionar a acta. 

Puxemos en común as funcións dos membr@s do Consello así como as funcións estipuladas para o funcionamento do propio Consello e confirmamos que nos parecían as apropiadas.
Tamen se fixo entrega da folla de propostas para a mellora da convivencia no noso cole, unha para cada aula, para indicar posibles aspectos a mellorar ao longo do curso que poidan xurdir no día a día nas aulas.
Ademais, acordamos que daremos as gracias ao Concello de Tui por colaborar con nós e por cumprir algunhas das nosas peticións.

Aqui deixamos a nosa primeira acta confeccionada pola actual secretaria do Consello. 

Por último e para que quede constancia nun medio de comunicación como é o noso blogue do Consello aportamos as funcións definitivas para os membros e o Consello como institución creada por e para @s nos@s nen@s.