VISITA AO CONCELLO 2025-2026

 Este ano como cada curso fixemos unha visita ao Concello de Tui para reunirnos co alcalde e a concelleira de educación e facilitarlle todas as propostas que recopilamos de cada unha das aulas do cole. 

O noso obxectivo está claro: queremos un cole que vaia a mellor cada curso e necesitamos colaboración. As familias da AFA sempre colaboran e tamén outras institucións coma o Concello e grazas a eles conseguimos que o noso centro avance. Este curso aprobouse que nos van conceder a finca colindante para ter un patio máis amplo e sobretodo con zonas verdes e sombras. Estamos moi contentas e contentos coa nova. 

Cada representate trasladou unha proposta e os coordinadores, Pelayo e Sergio, foron os principais portavoces. 

Deixamos unhas fotos da visita ao Concello. 

Visita ao Concello de Tui

Coma é costume este curso volvimos ao Concello para poñer en claro as nosas peticións para mellorar o noso cole. 

Este curso tivemos novas propostas de mellora e o alumnado explicou todo o que se falou nas distintas aulas. Deixamos un video resumo para poder visualizar o que fixemos: 

Segunda reunión. Propostas de mellora

 Neste mes de decembro nos reunimos na biblioteca para que cada aula compartira as propostas de mellora para os diferentes espazos do cole, as cales foron votadas nas distintas aulas e teñen sentido porque todo o alumnado puido expresar as súas melloras. 

O cole é de todas e todos as nenas e nenos, é por isto que precisamos que as cousas cambien ou se arranxes baixo a súa mirada. 

Salma e Ángela, a nosa secretaria e presidenta do Consello de quinto curso de primaria, chamaron por teléfono á Sonsoles, Concelleira de educación no Concello de Tui e tamén a Patri, presidenta da ANPA, para convidalas a participar na nosa reunión e poder facer que as propostas de mellora se fagan realidade dentro do posible. 

Agora é a quenda de Salma e Ángela, á volta das vacacións do Nadal terán que clasificar todas as propostas realizadas e prestar atención á súa viabilidade para buscar os organismos ou persoas que poidamos tratar de facer realidade o que se propouxo. 

Grazas a todas por asistir!!! 

Deixamos un mini video con algunhas imaxes da xornada. 

Visita ao Concello de Tui. Temos cita co alcalde!

Un ano máis chegou o gran día de visitar o Concello e de poder ter a oportunidade real de explicar que tipo de necesidades temos coma nenas e nenas co cole Nº1 de Tui en canto ao que se refire mellorar os nosos espazos de convivencia. 

A verdade que nos recibiron cos brazos abertos e todo o mundo puido explicar as súas aportacións, incluso se fixemos as peticións que precisabamos para celebrar o noso III Congreso EDUCODS na Corredoira de TUI.

Estivemos charlando co alcalde e deixamos por escrito e de xeito oral todo o que necesitamos. O noso cole é pequeno pero precisa moitos cambios, coma por exemplo esa pista de herba artificial que tanto pedimos cada ano ou un parque en boas condicións para o seu uso. 

Deixamos un pequeno video sobre o resumo da visita. 

Ata pronto!

Preparamos a visita ao Concello de Tui. Queremos mellorar o cole!

 Pois si, definitivamente queremos e precisamos mellorar os espazos do noso cole. Por isto, coma cada ano as persoas representantes do Consello dos nenos deste curso preparamos a visita ao Concello e cada aula estivo encargada de explicar as nosas necesidades o situación. Deixamos unhas fotos nas que se observan como o Consello estamos preparando a visita e debatendo sobre como é mellor abordar cada temática. 

Saúdos!!!! 

SEGUNDA SESIÓN CURSO 22-23

Nesta segunda reunión o alumnado trouxo preparado das súas respectivas aulas o panel que se lle entregou na sesión anterior coas propostas de mellora para poñer en común co resto das clases. Todo o mundo expuso as súas ideas e foron recollidas polas mestras responsables do equipo de convivencia para ser trasladadas a un documento conxunto que será elaborado pola secretaria e o presidente do noso Consello, Sofía e David e que compartiremos aquí unha vez estea feito. 

O alumnado sentiuse escoitado e arropado polo resto das aulas. Ademais, como novidade recuperamos os plenos para o Consello e asistiron nesta ocasión os alumnos e alumnas da clase de 1º de primaria, podendo compartir as súas suxerencias ou rogos ao finalizar a convocatoria aínda que sen ter voto. 

Deixamos o video resumo a continuación: 

PRIMEIRA SESIÓN CURSO 22-23

Ola de novo a todo o mundo!!!! 

Nesta primeira convocatoria fixemos a nosa primeira reunión na biblio, como era antes da pandemia!!! Que ben poder xuntarnos coma antes e falar no círculo respectando a palabra dos demais. 

A convocatoria tiña uns puntos a seguir como é costume nas nosas reunións do Consello. Nesta ocasión tivemos que presentar aos novos membros e a directiva fíxoxe cargo: Sofía Crusat e David, da clase de 5º de primaria. Deron a benvida e entregaron a todos os membros o panel de propostas de mellora do cole no referido aos espazos comúns: 

Para finalizar a sesión David e Sofía encargáronse de compartir co resto de representantes de cada aula os logros que se conseguiron dende o ano 2018 ata o momento grazas as propostas do noso alumnado e grazas ao funcionamento do noso Consello dxs nenxs. Se ben é certo que tamén se puxeron en común as cousas que todavían quedan pendentes e que non logramos acadar por diferentes motivos (falta de recursos económicos, falta de espazo...). Aínda así, seguiremos insistindo e traballando duro dende o Consello e contando coa axuda das nosas familias e o Cocello de Tui para poder dar cabida ao máximo de propostas e ideas do noso alumnado. 

Xa vos contamos! Un saúdo! 

VISITA AO CONCELLO DE TUI 21-22

Como cada curso algunhas persoas representates do Consello neste ano foron ao Concello de Tui a expoñer as propostas de mellora do noso cole, sobretodo as propostas nas que teñen cabida as intervencións de organismos públicos e nas que precisamos apoio económico. 

Aquí deixamos un video resumo sobre a visita, o noso alumnado estivo xenial! Parabéns!

RECOPILACIÓN DAS PROPOSTAS PARA A MELLORA DA CONVIVENCIA

No pasado Consello do 30 de novembro puxemos en común todas as propostas que trouxeron cada un dos representates das aulas. As mestras que colaboramos neste organismo fixemos unha recopilación de todas as ideas e as organizamos no seguinte documento segundo a temática á que pertencen. 

Se trata de telas moi presentes ao longo de todo o curso e que a voz do noso alumnado non quede insonorizada... 

CREAMOS, COMPARTIMOS, PROPOÑEMOS, CONVIVIMOS...

CONVOCATORIA 30 NOVEMBRO 2018

Neste mes trataremos de analizar con maior detalle as propostas que se levaron ao Consello na anterior convocatoria. Poñeremolas en común para tratar de facer as melloras oportunas, chegando a acordos, falando sobre cales son primordiais, sobre se algunha podemos iniciala nos ou se precisaremos axuda externa... etc. 

Ademáis, fixemos aportacións en referencia a mellorar a Nosa biblioteca do cole con posibles libros que se poidan mercar neste ano.

Aquí vos deixamos unha pequena mostra do que falamos no Consello a modo de cómic...